شوفوا الفرق بين جهازالكمبيوتر للولد وللبنت طبعا احنا نكسب

من طرف ملاك الصمت السبت فبراير 05, 2011 2:26 pm

اولا جهاز البنات:

من اول نظرة من بعيد للشكل العام للجهاز تلاقى الجهاز نضيف ومرتب وحواليه دباديب او عرايس او لعب وتلاقيها لازقة عليه صور فراشات او صور رقيقة وقلوب وحجات كلها دلع ورقة وتلاقى كرسيها نضيف وسليم وشكلة حلو ومحطوط بشكل صحيح ادام المكتب
تفتح الجهازتلاقى صوت نغمة رقيقة مع فتح الجهاز
وحاطة خلفية صورة رقية شخصية ليها او صورة بنت جميلة او وردة
تقلب فى الملفات تلاقى اسماء الملفات عندها جميلة والصورعندها تلاقى صور جميلة زى صور اطفال صور فساتين صور موضة وتلاقى افلام رومانسية واغانى عاطفية
وتفتح الهيستورى بتاع الجهاز تلاقيها كانت مشغلة حجات زى فيلم تيتانيك مواقع نكت مواقع موضة قيلم كتكوت اغنية تملى معاك اغنية بهواك مواقف كوميدية
تفتح الميل بتاعها تلاقيها حاطة نك نيم رقيق زى بنوتة شقية دلع حبوبة حب عمرى
لو دققت شويه فى تاريخ تسطيب الويندوز ممكن تلاقى الويندوز شغالة معاها من حوالى 7 او 8 شهور متغيرش تيجى تشم ريحه الجهاز تلاقى رحتة برفان جميل
ولما تيجى البنت تقفل جهازها تلاقيها قفلت الحجات الى مشغلاها حاجة حاجة وبعدين تدوس شت دوان وتسمع نغمة رقيقة والجهاز بيقفل

تخش بقى على جهاز التماسيح ئلى هما الشباب:

من اول نظرة للجهاز ووضعه من بعيد تحس انك داخل على حاجة شبةالتوكتوك ئلى عامل حادثة ومطلعينه من ترعة تلاقى الكيسة مفتحة من كل ناحية وفيها خروم غريبة ولو بصيت جواها تلاقى فيها حجات ومواد غريبة غالبا ممكن تكون مشتعلة وملهاش اى علاقة بالجهاز وتلاقى الهارد متعلق زى الدبيحه من السلك بتاعه ومتعرفش لية وتلاقى كمية وصلات عجيبة داخلة وخارجة من الجهاز ومش بعيد تلاقى متوصل معاهم خرطوم مية
وتلاقى باب السى دى مفتوح من غير اى داعى بالرغم من انك تحاول تقفلة هتلاقيه بيتفتح تانى لوحدة و الشاشة ممكن متلاقيش قعدتها اصلا وممكن متلاقيش غطاء الشاشة الخلفى برضو كنوع من انواع التهوية ولسعات سجاير وطفاية فى كل حته من الجهاز
وتلاقى الكى بورد شلكها ملحم فى بعضه وزرار الانتر وبعض الازرار المهمة غالبا مش هتلاقيها وبالنسبة للكرسى ده لو لقيت كرسى او حاجة شبه الكرسى هتلاقيه مليان بقع شاى وسجاير وغالبا هتلاقيه واقف على 3 رجول بس
تيجى تفتح الجهاز وتدوس على زورار الباور ده لو لقيتة وملقتش سلكتين تلمسهم فى بعض عشان الجهاز يشتغل زى عربيات مكروباص وأول لما الجهاز يشتغل تسمع صوت كركرة غريب واصوات تانية شبيهة بالطرقعة المكتومة
تعدى كل ده و يبتدى الويندوز يفتح تسمع صوت نغمة الويندوز نغمة غريبة الجماعة بتوع ميكرو سوفت لو سمعوها هيبطلو ينزلو نسخ للشرق الاوسط تانى
تفتح الويندوز تلاقيه حاطط خلفية ثعبان او جمجمة مرعبة او صورة غريبة ليه هو واصحابة تفكرك بالمخلوقات الفضائية الى جاية من عالم غريب
تدخل تقلب فى الملفات تلاقى اسماء الملفات غريبة وعجيبة حشحش دحدح بتنجانة والالصور بقى هتلاقى صور معيز صور حوادث ومصارعةو 70% من الملفات هتلاقيها تحت سلسلة اسماء New Folde11 New Folde12 New Folde13 New Folde14 New Folde15 الى ما لا نهاية
تفتح الهيستورى بتاعه تلاقى اخر حجات شغلها زى اغنيةالبلح البلح صور مصارعين كليب بوس الواوا نكت حشاشين
تفتح الميل بتاعه تلاقيه حاطط نك نيم يرعب البنات الشيطان ,السفاح ,المعيز المحشش ,كمبورة ,عاشق الموت,الزونفل
ولو دققت فى تاريخ تسطيب الويندوز ممكن تلاقيه مسطبها قبل متيجى بساعة
وطبعا ريحه الجهاز هتلاقيها شبة متور العربية المحروق ولما يجى يطفى الجهاز لو فاتح ايه حاجة ميقفلهاش واحده واحده لا شد الكابل على طول من غير تفاهم اكنه بيعزب كافر
لانه طبعا ميعرفش حاجة اسمها امر شود داون
كمان لو فى فلاشه يا لهوى
فلاشه البنت نضيفه ورحتها حلوة وبالغطا بتعها وفى علبتها
اما فلاشه الشباب طالع عينها مكسوره ومن غير غطا اصلا وتحس ان قطر معدى عليه ومفرومه
لا وكمان الاغانى تحس اول ما تشغليها ان انت فى ميكروباص او مولد
وهى دى الحقيقة المرة والمؤلمة ههههههههههههههههههه